方力申港澳慈善游 2026《破浪・領航・傳承》澳門領袖及青年交流會

由凝動主辦嘅「方力申港澳慈善游 2026《破浪・領航・傳承》澳門領袖及青年交流會」，日前喺澳門「銀河度假」- G Box圓滿舉行！

當日活動以全國人大代表及澳門特別行政區立法會議員何敬麟先生及凝動主席方圓明先生致歡迎辭揭開序幕，凝動大使 Alex 聯同港澳兩地政商界領袖及青年代表深入交流，圍繞體育精神、逆境同行及青年成長等議題展開對談，現場氣氛非常熱烈！🔥

🏊‍♂️ Alex 率先分享自己時隔七年再次挑戰長途海域嘅心路歷程，坦言呢次唔單止係突破體能同意志嘅考驗，更係為下一代而游嘅承諾。

🏛️ 香港特別行政區立法會議員何敬康先生亦分享自己如何喺逆境中保持韌性，並將個人影響力轉化為推動社會前行嘅動力。

🌟 最後，Alex 亦同澳門青年運動員及學生代表交流追夢心得，鼓勵年輕人將挑戰轉化為成長養分，勇敢向前。

今次交流唔單止帶嚟真摯而有力量嘅分享，亦再次凝聚社會各界對基層同特殊教育需要（SEN）青少年嘅關注。亦再次感謝澳門「銀河度假」 - G Box 借出場地舉辦今次交流會，凝聚兩岸力量，凝動全城！

希望大家繼續支持港澳慈善游，為推動平等體育培訓出一分力，齊齊為下一代開拓更多可能！💪🏻❤️