凝聚全城力量｜倒數兩個月！方力申港澳慈善游誓師啟航

倒數兩個月，方力申就會正式展開 35 公里港澳慈善游挑戰！適逢今日亞運會開幕、全城運動熱潮升溫之際，「凝動全城 破浪傳承 - 方力申港澳慈善游2026」誓師啟航記者會亦喺奧海城 2 期順利舉行！

現場星光匯聚，除咗有多位主禮嘉賓主持啟動儀式外，仲有一眾贊助機構、合作夥伴以及支持者都齊聚現場為 Alex 打氣！而一班凝動舞蹈班嘅小朋友，亦帶嚟精彩表演——你嘅每一分捐款，正正就係令佢哋可以企喺舞台上、發光發亮嘅力量。

我哋更同場舉行首屆《BB 樂游遊運動會》，一班萌爆 BB 喺 BB 爬行大賽 中全力「放電」衝刺，現場歡呼聲不斷！榮升新手爸爸嘅 Alex 亦首次攜同女兒 Isla 公開亮相，參與親子活動，以身作則向下一代傳承體育精神與回饋社會嘅價值，將「破浪傳承」嘅信念代代相傳！

我哋衷心感謝各界朋友嘅打氣影片，同埋今日親身到場支持嘅每一位！我哋知道仲有好多朋友都拍咗片俾我哋，嚟緊會陸續同大家分享！你嘅一句支持、一個鼓勵，都係推動Alex破浪前行嘅重要力量。

35 公里係一場歷時約 9 個小時、考驗體能同意志嘅挑戰， Alex 面對嘅困難比我哋想像中多！但只要全城同心，一句鼓勵、一個分享、一次捐款，都可以匯聚成推動 Alex 破浪前行嘅力量，將呢份愛心與希望傳得更遠！

​活動詳情： ​

📅 日期：2026 年 11 月 19 日（星期四）​

📍 起點及終點：香港大嶼山雞翼角 至 澳門黑沙海灘 ​

🏊‍♂️ 距離：全程 35 公里​ ​

喺呢段備戰同推動慈善嘅期間，感謝以下各機構及贊助夥伴嘅鼎力支持(排名不分先後)

主辦機構及受惠機構：凝動香港體育基金

協辦機構：棋人娛樂製作有限公司、HK360SWIM

受惠機構：澳門特殊奧運會

支持機構：棋人公益文化計劃

【贊助夥伴】破浪先鋒：銀河度假、永義(香港)有限公司

【贊助夥伴】全力同游：大慈恩國際慈善基金、大灣區共同家園青年公益基金、恒基兆業地產有限公司、信和集團

【贊助夥伴】並肩護航：Dr. Kong Footcare Limited、香港交易所慈善基金、凱譽信託、Troy Cheng and Jason Cheng

【贊助夥伴】浪花同行：亞洲聯合基建控股有限公司、Derek and Genevieve Ma Foundation Limited、香港鐵路有限公司、Osprey Pack HK、悅意軒有限公司

航行贊助： Absolute Marine Limited

大會指定時計：萬希泉鐘錶有限公司

愛心傳承夥伴：香港電車有限公司

誓師會嘅順利落幕，代表住我哋嘅慈善旅途正式開始。 我哋嘅路仲有好遠——仲有好多基層同SEN小朋友，等待一個被看見、被支持嘅機會。 未來兩個月，懇請大家繼續同行💙，將支持化作行動，一齊為佢哋爭取平等運動機會，幫佢哋發掘潛能、重拾自信、勇敢追夢！🌊

​👉立即捐款支持：https://alexswimforihksports.org/zh-hant/donation/

🌊 成為Support Swimmer：https://shorturl.at/m1SS4